ఆగస్టు - 2014 దినోత్సవాలు

ఆగస్టు - 9 ¤ ఆంధ్రప్రదేశ్ ప్రభుత్వం దేశంలోనే మొదటిసారిగా ప్రపంచ ఆదివాసీ దినోత్సవాన్ని విశాఖపట్నంలో అధికారికంగా నిర్వహించింది. ¤ క్విట్ ఇండియా దినోత్సవాన్ని ఘనంగా నిర్వహించారు.         » క్విట్ ఇండియా ఉద్యమం 72వ వార్షికోత్సవం సందర్భంగా న్యూఢిల్లీలోని రాష్ట్రపతి భవన్‌లో నిర్వహించిన 'ఎట్ హోం' కార్యక్రమంలో రాష్ట్రపతి ప్రణబ్ ముఖర్జీ పులువురు స్వాతంత్య్ర సమరయోధులకు సెల్‌ఫోన్లను బహూకరించారు. ప్రస్తుత డిజిటల్ యుగంలో దేశ శీఘ్ర ప్రగతికి గుర్తుగా వీటిని బహూకరించారు.         » ఈ కార్యక్రమంలో ఉపరాష్ట్రపతి హమీద్ అన్సారీ, ప్రధానమంత్రి నరేంద్రమోడీ తదితరులు పాల్గొన్నారు. ఆగస్టు - 19 ¤ ప్రపంచ ఫొటోగ్రఫీ  దినోత్సవాన్ని ఘనంగా నిర్వహించారు. ఆగస్టు - 29  ¤  జాతీయ క్రీడా దినోత్సవాన్ని ఘనంగా నిర్వహించారు.         » హాకీ విజార్డ్ ధ్యాన్‌చంద్ జయంతిని జాతీయ క్రీడా దినోత్సవంగా నిర్వహిస్తారు.¤  తెలుగు భాషా దినోత్సవాన్ని ఘనంగా నిర్వహించారు.         » వ్యవహారిక భాష ఉద్యమకారుడు గిడుగు రామ్మూర్తి జయంతిని  తెలుగు భాషా దినోత్సవంగా నిర్వహిస్తారు.         » రాజాస్థానాలు, సంస్థానాధీశుల కొలువుల్లో తిష్టవేసిన గ్రాంథిక భాషపై  ధ్వజమెత్తి, ప్రజల వాడుక భాషకు పట్టం కట్టిన తొలితరం భాషా శాస్త్రవేత్త గిడుగు.         » 1863 ఆగస్టు 29న శ్రీకాకుళం జిల్లా పర్వతాలపేటలో గిడుగు  రామ్మూర్తి జన్మించారు. 1940 జనవరి 22న మరణించారు.